news & event‎ > ‎

به‌رێز ( ته‌یڤون كووك ) جێگری به‌رپرسی كاروباری گشتی له‌ كۆنسولگه‌ری ئه‌مریكا له‌ هه‌رێمی كوردستان سه‌ردانی كۆلێجی هونه‌ره‌جوانه‌كانی كرد

posted Oct 10, 2017, 3:55 AM by sam fatah   [ updated Oct 10, 2017, 3:57 AM ]
on (1th October 2017) Mr. Tavon Cooke, deputy public affair officer at Consulate General of the united state of America - Erbil has visited College of fine arts / the University of Sulaimani he meets with Dr. Rebwar Saeed, Dean of the college of fine arts and  Dr. Dilshad Mustafa, head of Filmmaking department In this meeting, they talked about the importance of the academic and scientific relationship between  the University of Sulaimani and American universities  .

ڕۆژی ١\١٠\٢٠١٧ و به‌سه‌ردانێكی فه‌رمی به‌رێز ( ته‌یڤون كووك ) جێگری به‌رپرسی كاروباری گشتی له‌ كۆنسولگه‌ری ئه‌مریكا له‌ هه‌رێمی كوردستان سه‌ردانی كۆلێجی هونه‌ری كرد و له‌گه‌ل به‌رێزان د. رێبوار سه‌عید راگری كۆلێژ و د. دڵشاد مسته‌فا سه‌رۆكی به‌شی فیلمسازی كۆبووه‌وه‌ . له‌و دیداره‌دا باس له‌ گرنگی په‌یوه‌ندی زانستی و ئه‌كادیمی نێوان زانكۆی سلێمانی و زانكۆكانی ئه‌مریكا كراو بایه‌خی هونه‌ر وه‌ك یه‌كێك له‌ گرنگترین ئامرازه‌كانی ناساندنی كه‌لتووری گه‌لان گفتوگۆی له‌باره‌وه‌كرا. به‌رێز كۆۆك رایگه‌یاند كه‌ كۆلێجی هونه‌ر بۆ ئه‌وان زۆر جێی سه‌رنجه‌و له‌ داهاتودا هه‌وڵ ده‌ده‌ن پردێكی ئه‌كادیمی و كه‌لتووری له‌گه‌ل نێوه‌ند هونه‌ری و ئه‌كادیمییه‌كانی ئه‌مریكادا بۆ دروست بكه‌ن تا ئالوگۆڕی زانستی له‌ نێوان هه‌ردوو لادا دروست ببێت . له‌ میانی ئه‌و دیداره‌دا به‌رێز د. رێبوار سه‌عید باسی مێژووی دامه‌زراندنی كۆلێژ و به‌شه‌كانی و تواناكانی خوێندكاران و مامۆستایانی كردو داوای كرد كونسولگه‌ری ئه‌مریكا به‌ پێی توانا هاوكاری پرۆژه‌كانی كۆلێژه‌كه‌ بكه‌ن . پاشان د. دڵشاد مسته‌فا دۆخی خوێندنی فیلمسازی و بونیادی به‌شه‌كه‌ و پرۆژه‌كانی ئاینده‌ی خسته‌روو و داوای كرد لانی كه‌م له‌رێی په‌یوه‌ندییه‌ كانی خۆیانه‌وه‌ كونسولگه‌ری بتوانن كۆلێجه‌كه‌ به‌ سه‌رچاوه‌ی زانستی ده‌وڵه‌مه‌ند بكه‌ن و هاوكات كۆمه‌كی ته‌كنیكیش پێشكه‌ش بكه‌ن . له‌ كۆتاییدا به‌رێز كووك به‌لێنی پێدان چه‌ند پێی بكرێت كار بۆ جێبه‌جێكردنی داواكانیان بكات .

Comments