news & event‎ > ‎

شێوازی تاقیکردنەوە بۆ وەرگرتنی خوێندکارانی خوازیار بۆ بەشی فیلمسازی کۆلێجی هونەربۆ ساڵی خوێندنی ٢٠٢٠-٢٠٢١

posted Aug 28, 2020, 2:19 AM by Roza Nuraldin Hama Amin   [ updated Aug 29, 2020, 2:47 AM ]

شێوازی تاقیکردنەوە بۆ وەرگرتنی خوێندکاران  لە بەشی فیلمسازی . کۆلێجی هونەرەجوانەکان. زانکۆی سلێمانی  ساڵی خوێندنی ۲٠۲٠_ ۲٠۲۱

 

بەشی فیلمسازی ساڵی ۲٠۱٦ دامەزراوە لە دوو لقی سەرەکی پێکدێت )فیلم پرۆدەکشن &  نواندن(

 فێرخواز پێویستە بۆ هەر لقێکیان ئەم داواکارییانەی خوارەوە جێبەجێ بکات:

 

۱ـ زانیاری گشتی و سەرەتایی  دەربارەی مێژووی سینەما و پێکهاتەکانی فیلم. ئەمساڵ و بەهۆی بارودۆخی تەندروستییەوە تاقیکردنەوەی تیۆری لەسەر کاغەز ئەنجام نادرێت و تاقیکردنەوەکە دەبێت بە زاری .

 

۲ـ ئەو فێرخوازانەی داواکاری پێشکەشی بەشی فیلم پرۆدەکشن دەکەن لە کاتی ئەنجامدانی تاقیرکردنەوەدا داوای کاری پراکتیکیان لێدەکرێت کە لەڕێی مۆبایلەکانیانەوە ئەنجامی بدەن . هەر فێرخوازێکیش پێشینەی کارکردنی هەبێت دەتوانێت کارەکانی بە هارد بهێنێت و پیشانی ئەندامانی لیژنەکەی بدات .

 

۳ـ ئەو فێرخوازانەی دەیانەوێت لە لقی نواندن تاقیکردنەوە ئەنجام بدەن پێویستە دیمەنی فیلمێکی بیانی هەڵبژێرن و لە کاتی تاقیکردنەوەدا بەرامبەر بە کامێرا پێشکەشی بکەن . (مەرجە فیلمەکە بیانی بێت ،هاوکات فێرخواز دەتوانێت بە زمانی کوردی نواندنەکەی پێشکەش بکات)

 

٤- مەرجی سەرەکی وەرگرتن بە پێی ڕێنماییەکانی وەزارەتی خوێندنی باڵا بۆ خوێندنی زانکۆیی دەبێت تایبەت بە مەسەلەکانی کۆنمرە و خوێندنی پارالێڵ .

 

٥- ژمارەی وەرگیراوانی  دەرچوانی پەیمانگەی هونەرەجوانەکان بە پێی رێنماییەکانی وەزارەتی خوێندنی باڵا دەبێت و کۆنمرەی گشتیان لەسەر کۆنمرەی دەرچوون لە پەیمانگە هەژمار دەکرێت.

 

٦- لە ئامادەبوونی فێرخواز و مامۆستایانی لیژنەی وەرگرتندا دەبێت رەچاوی رێنماییە تەندروستییەکان بکرێت لەبەر تەندروستی و سەلامەتی هەمووان .

Comments