ڕۆژی  دووشه‌ممه (‌ ٣٠\٤\٢٠١٨ )  به‌ ئاماده‌بوونی به‌ڕێزان د. ره‌زا حه‌سه‌ن  سه‌رۆكی زانكۆی سلێمانی و د. خه‌سره‌و عه‌بدوڵڵا یاریده‌ده‌ری سه‌رۆكی زانكۆ و د. رێبوار سه‌عید  ڕاگری كۆلێژی هونه‌رجوانه‌كان و به‌ڕێز ئاغای هاشمی به‌رپرسی به‌شی فه‌رهه‌نگی قونسولگه‌ری كۆماری ئیسلامی و مامۆستایان و خوێندكارانی كۆلێجی هونه‌ر  ، گروپی ئاناهیتای شاری سه‌قز  شانۆیی ( ئاوات) نوسین و ده‌رهێنانی عه‌لی ره‌زا ئیسماعیلی  له‌ ستایڵی شانۆی سه‌رشه‌قامدا له‌ كۆلێجی هونه‌ری زانكۆی سلێمانی پێشكه‌شكرد .

له‌و نمایشه‌دا ژماره‌یه‌ك ئه‌كته‌ری به‌توانا به‌شداریان كردو به‌سه‌لیقیه‌كی سه‌رنجراكێشه‌وه‌ مامه‌ڵه‌یان له‌گه‌ل فه‌زای شوێن و بینه‌راندا ده‌كرد . شیاوی ئاماژه‌ پێكردنه‌ نمایشی ئاوات ، چیرۆكی خواسته‌ له‌بن نه‌هاتووه‌كانی مرۆڤ  بوو بۆ گه‌یشتن به‌ ئاره‌زوو ه‌كانی و له‌ ستایڵێكی كۆمیدی به‌رزدا داڕێژرابوو ، به‌شێوه‌یه‌ك بووه‌ جێی ڕه‌زامه‌ندی بینه‌رانی .